سیریز ہار کے بعد بھی ٹیم انڈیا کے حوصلے بلند: کوہلی

مسلسل چار میچوں میں شکست کے باوجود وراٹ کوہلی نے آج کہا کہ ٹیم انڈیا ذہنی طور پر کمزور نہیں پڑی ہے اور وہ آسٹریلیا کے خلاف کل ہونے والے پانچویں اور آخری ون ڈے میچ سمیت دورے کے باقی چاروں میچ جیتنا چاہتی ہے

اسٹار بلے باز کوہلی نے کہا کہ ٹیم کا حوصلہ پہلے کی طرح بڑھا ہوا ہے. ٹیم کل کے پانچویں ون ڈے کے بعد آسٹریلیا کے خلاف تین ٹی 20 میچوں کی سیریز بھی کھیلے گی. کوہلی نے میچ کے موقع پر کہا، '' اگر ہم ذہنی طور پر کمزور پڑ جاتے تو انہیں سخت



چیلنج نہیں دے پاتے. ہمیں ہدف کا تعاقب کرتے ہوئے مزید تیز تر ہونے کی ضرورت ہے. اگر نتائج مختلف ہوتے تو سوال بھی مختلف ہوتے اور بحث بھی مختلف ہوتی. لیکن ہم نتائج کا احترام کرتے ہیں اور آسٹریلیا مشکل ٹیم ہے اور وہ حالات کو بہتر سمجھتے ہیں. ''

انہوں نے کہا، '' وہ گھریلو سرزمین پر مسلسل 18 میچ جیت چکے ہیں. تو ہمیں اس طرح کے حالات میں تھوڑے زیادہ تجربہ کی ضرورت ہے. ہم سیکھنا چاہتے ہیں کیونکہ ہم یہاں کا دورہ کرتے رہتے ہیں اور ہم یہاں اچھی کارکردگی کرنا چاہتے ہیں. ''